കംബോഡിയയിൽ അപ്സരസായി ഇന്ത്യന് അംബാസഡര് ദേവയാനി ഖോബ്രഗഡെ
ഫ്നോം ഫെൻ: തെക്കുകിഴക്കൻ ഏഷ്യയിലെ ചെറിയ മനോഹര രാജ്യമായ കംബോഡിയയിലെ ഇന്ത്യന് അംബാസഡര് ദേവയാനി ഖോബ്രഗഡെ അപ്സരസായി വേഷം ധരിച്ച് അവിടത്തെ ജനങ്ങളെ അദ്ഭുതപ്പെടുത്തി.
കംബോഡിയയുടെ പുതുവത്സര ദിനത്തില് ആശംസകള് അറിയിക്കാനാണ് ദേവയാനി "ഖമര് അപ്സരസായി വേഷമിട്ടത്. ആ ചിത്രങ്ങള് കംബോഡിയയിലെ ഇന്ത്യന് എംബസി എക്സില്(ട്വിറ്റർ) പങ്കുവച്ചത് വലിയ തോതിൽ വൈറലായി.
"അംബാസഡര് ദേവയാനി ഖോബ്രഗഡെ ഖമര് സംസ്കാരത്തേയും പാരമ്പര്യത്തേയും ഏറെ ഇഷ്ടപ്പെടുന്നയാളാണ്. ഖമര് പുതുവര്ഷത്തിന്റെ ആത്മാവിനെ ആശ്ലേഷിച്ച് ദേവയാനി അപ്സരസിന്റെ വേഷം ധരിച്ചു. എല്ലാ സുഹൃത്തുക്കള്ക്കും സന്തോഷകരമായ ഖമര് പുതുവത്സരം ആശംസിക്കുന്നുവെന്നും" ഇന്ത്യന് എംബസി എക്സില് കുറിച്ചു.