ആട്ടിന്‍ തോലിട്ട ചെന്നായ്‌ക്കള്‍/അഡ്വ. എസ്‌ അശോകന്‍

തൃശ്ശൂര്‍ ജില്ലയിലെ കരുവന്നൂര്‍ സര്‍വ്വീസ്‌ സഹകരണ ബാങ്കിലെ വായ്‌പാ തട്ടിപ്പിന്റെ പശ്ചാത്തലത്തില്‍ സംസ്ഥാനത്തെ എല്ലാ സര്‍വ്വീസ്‌ സഹകരണ ബാങ്കുകളിലും പരിശോധന നടത്താനുള്ള തീരുമാനം സ്വാഗതാര്‍ഹം തന്നെ!. എന്നാല്‍ കുടിശ്ശിഖക്കാരായവരെല്ലാം തട്ടിപ്പുകാരാണെന്ന്‌ മുദ്രകുത്തുന്നത്‌ സഹകരണ ബാങ്കുകളുടെ മരണ മണിയാവും.ചികിത്സാ ആവശ്യങ്ങള്‍ക്കും, വസ്‌തു വാങ്ങാനും, പഠനത്തിനും, വിവാഹ ആവശ്യത്തിനും, വീടു വെയ്‌ക്കാനും, കച്ചവടത്തിനും, വ്യവസായത്തിനും മറ്റും ഉത്തമ വിശ്വാസത്തോടെ സത്യസന്ധമായി ലോണ്‍ എടുത്തവരാണ്‌ സഹകരണ ബാങ്കുകളിലെ ബഹുഭൂരിപക്ഷം വായ്‌പ്പക്കാരും. അവരൊക്കെ കഴിഞ്ഞ ഏതാനും വര്‍ഷങ്ങളായി അതീവ ഗുരുതരമായ സാമ്പത്തിക പ്രതിസന്ധിയിലാണ്‌. അതു കൊണ്ടു തന്നെ ലോണ്‍ തിരിച്ചടവും മുടങ്ങിയിരിക്കുന്നു. വായ്‌പകള്‍ മന:പൂര്‍വ്വം തിരിച്ചടക്കത്തവര്‍ വിരളമാണ്‌. വര്‍à´·à´¾ വര്‍à´·à´‚ പലിശ അടച്ച്‌ ലോണ്‍ പുതുക്കി പോന്നവരാണ്‌ ഭൂരിപക്ഷം പേരും. സത്യത്തില്‍ വായ്‌പകളുടെ പലിശയാണ്‌ സഹകരണ ബങ്കുകളുടെ മുഖ്യ വരുമാന മാര്‍ഗ്ഗം. പലിശ നിരക്ക്‌ ഒട്ടും ചെതറുതല്ല താനും. സാമ്പത്തിക പ്രതിസന്ധി മൂലം ലോണ്‍ പുതുക്കാനാവാതെ കുടിശിഖക്കായാവരെല്ലാം വായ്‌പാ തട്ടിപ്പു നടത്തി എന്ന മട്ടിലുള്ള വിമര്‍ശനം സഹകരണ മേഖലക്ക്‌ ഗുണം ചെയ്യില്ല.പോതു മേഖലാ ബാങ്കുകളിലും സ്വകാര്യ ബാങ്കുകളിലും പലപല കാരണങ്ങളാല്‍ പണം നിക്ഷേപിക്കാന്‍ വിമുഖരായവര്‍ സഹകരണ ബാങ്കുകളില്‍ നിക്ഷേപിക്കുന്നത്‌ സര്‍വ്വ സാധാരണമാണ്‌. സഹകരണ ബാങ്കുകള്‍ വാഗ്‌ദാനം ചെയ്യുന്ന കൂടുതല്‍ ആകര്‍ഷകമായ പലിശ നിരക്കും, സ്വകാര്യതയും ഒക്കെ നിക്ഷേപകരെ സ്വാധീനിക്കുന്ന ഘടകങ്ങളാണ്‌.സഹകരണ ബാങ്കുകളുടെ വിശ്വാസ്യതക്ക്‌ ഇടിവുണ്ടാകുന്നത്‌ സഹകരണ മേഖലയെ നാമാവശേഷമാക്കും എന്നു ഭയക്കേണ്ടിയിരിക്കുന്നു. ഓരോരോ അത്യാവശ്യങ്ങള്‍ക്ക്‌ വലിയ നൂലാമാലകളോ കടമ്പകളോ ഒന്നും ഇല്ലാതെ സമയത്തിന്‌ വായ്‌à´ª ലഭിക്കുന്ന സഹകരണ ബാങ്കുകള്‍ സാധാരണക്കാരുടെ ആശ്വാസമാണ്‌. സഹകരണ മേഖലയുടെ വിശ്വാസ്യത തകര്‍ന്നാല്‍ സ്വാഭാവികാമായും നിക്ഷേപങ്ങള്‍ പിന്‍ വലിക്കാനുള്ള നെട്ടോട്ടമുണ്ടാകും. അത്‌ സഹകരണ ബാങ്കുകളുടെ സര്‍വ്വ നാശത്തിന്‌ വഴിയൊരുക്കും. രാജ്യ പുരോഗതിയെ തന്നെ ദോഷകരമായി തന്നെ ബാധിക്കും.കേന്ദ്രത്തില്‍ പുതുതായി സഹകരണ വകുപ്പ്‌ ഉണ്ടാക്കി ആഭ്യന്തരമന്തി അമിത്‌ഷാക്ക്‌ ചുമതല നല്‍à´•à´¿à´¯ മോദി സര്‍ക്കാരിന്റേയും ജില്ലാ സഹകരണ ബാങ്കുകള്‍ ലയിപ്പിച്ച്‌ കേരളാ ബാങ്ക്‌ ഉണ്ടാക്കിയ പിണറായി സര്‍ക്കാരിന്റേയും കണ്ണ്‌ സഹകരണ മേഖലയില്‍ കുമിഞ്ഞു കൂടിയ നിക്ഷേപങ്ങളില്‍ തന്നെയാണ്‌.വായ്‌à´ª എടുത്ത്‌ കുടിശിഖ ആയവര്‍ മറ്റു പോംവഴികളില്ലാതെ ആത്മഹത്യ ചെയ്യുന്നത്‌ പതിവായിരിക്കുന്നു. കുടിശിഖകള്‍ പെരുകുന്നതും സഹകരണ മേഖലയെ പ്രതികൂലമായി ബാധിക്കും. അതീവ ഗുരുതരമായ സാമ്പത്തിക പ്രതിസന്ധിയുടെ പശ്ചാത്തലത്തില്‍ നിലവിലുള്ള വായ്‌പകളുടെ പലിശ എഴുതി തള്ളി വായ്‌പാ തിരിച്ചടവ്‌ പ്രോത്സാഹിപ്പിക്കാന്‍ കേന്ദ്ര സംസ്ഥാന സര്‍ക്കാരുകള്‍ തയ്യാറാകണം.ചെറുകിട വായ്‌പകള്‍ പൂര്‍ണ്ണമായും എഴുതി തള്ളുകയും എല്ലാ തരം വായ്‌പകളുടേയും ലോക്‌ഡൗണ്‍ കാലത്തെ പലിശ എഴുതിതള്ളുകളുകയും ചെയ്യുന്നതിനെ പറ്റി സര്‍ക്കാരുകള്‍ ഗൗരവകരമായി ചിന്തിക്കണം..ദേശസാല്‍കൃത ബാങ്കുകളില്‍ നിന്നും ന്യൂ ജനറേഷന്‍ ബാങ്കുകളില്‍ നിന്നും ലക്ഷക്കണക്കിന്‌ കോടി രൂപയുടെ വായ്‌പകള്‍ എടുത്ത്‌ മുങ്ങിയവരേയും സഹകരണ ബാങ്കുകളില്‍ കുടിശിഖ വരുത്തിയവരേയും ഒരേ കണ്ണുകൊണ്ട്‌ കാണുന്നത്‌ അനീതിയാണ്‌.സഹകരണ ബാങ്കുകളിലെ യഥാര്‍ത്ഥ വായ്‌പ്പാ തട്ടിപ്പുകാരെ കണ്ടെത്തി നിയമത്തിന്റെ മുന്നില്‍ കൊണ്ടു വരേണ്ടത്‌ സഹകരണ മേഖലയുടെ വിശ്വാസ്യതക്കും നിലനില്‍പ്പിനും അനിവാര്യമാണ്‌. ആട്ടിന്‍ തോലിട്ട ചെന്നായ്‌ക്കളെ തിരിച്ചറിയുക തന്നെ വേണം!.അഡ്വ. എസ്‌ അശോകന്‍