അയലത്തെ അപരിചിതര്‍:../അഡ്വ .എസ്.അശോകൻ

  വീട്ടു മുറ്റത്ത്‌ ബൈക്ക്‌ വന്നു നില്‍ക്കുന്ന ശബ്‌ദം കേട്ടു കൊണ്ടാണ്‌ കതകു തുറന്നത്‌. ഹെല്‍മറ്റും, കൂളിംഗ്‌ ഗ്ലാസും, റെയിന്‍കോട്ടും ഇട്ട നാലഞ്ചു ദിവസത്തെ വളര്‍ച്ചയുള്ള കുറ്റിത്താടിയുമായി ഒരു പയ്യന്‍ ബൈക്കിലിരുന്നു കൊണ്ട്‌ ചോദിച്ചു. അശോകന്‍ സാറിന്റെ വീട്ടിലെ റ്റി വി നന്നാക്കാനുണ്ട്‌ എന്ന്‌ പറഞ്ഞിരുന്നു. ഇതാണോ വീട്‌?. വീട്ടിലെ റ്റി വിക്ക്‌ കുഴപ്പമൊന്നുമില്ലആരോടും അങ്ങനെ ആവശ്യപ്പെട്ടിട്ടുമില്ല എന്നു പറഞ്ഞപ്പോള്‍ പയ്യന്‍ മൊബൈല്‍ എടുത്ത്‌ ആരെയോ വിളിച്ചു. സംസാരം കഴിഞ്ഞപ്പോള്‍ വീടു മാറിപ്പോയതാണ്‌ രമേശന്‍ സാറിന്റെ വീട്ടിലെ റ്റി വിയാണ്‌ കേടായത്‌ എന്നു പറഞ്ഞു. തൊട്ടടുത്തു തന്നെയുള്ള എന്റെ ചിറ്റപ്പന്റെ മകനാണ്‌ രമേശ്‌. മര്യാദയുടെ പേരില്‍ എന്തു ചെയ്യുന്നു എന്നൊക്കെ അവനോട്‌ ആരാഞ്ഞു. à´Žà´‚ കോം പാസ്സാണ്‌ 61 ശതമാനം മാര്‍ക്കുണ്ട്‌. വിദേശത്ത്‌ പോകാന്‍ തയ്യാറെടുക്കുന്നു എന്നൊക്കെ പറഞ്ഞപ്പോള്‍ വീടേതാണെന്ന്‌ ചോദിച്ചു. കൊച്ചുകുടിയില്‍ ജേയ്‌മിയുടെ മകനാണ്‌ എന്ന മറുപടി കേട്ടപ്പോള്‍ ഞാന്‍ അന്തിച്ചു നിന്നു പോയി. ജേമി ഞങ്ങളുടെ വാര്‍ഡിലെ മുന്‍ പഞ്ചായത്ത്‌ മെമ്പറാണ്‌ ജേയ്‌മിഎന്റെ കൂടെ ഒരുപാട്‌ പ്രാവശ്യം വണ്ടി ഓടിക്കാന്‍ വന്നിട്ടുണ്ട്‌. ജേയ്‌മിയുടെ അപ്പന്‍ ചാക്കോച്ചേട്ടനും അമ്മ കുഞ്ഞുപെണ്ണ്‌ ചേടത്തിയേയും എല്ലാം കൊച്ചുംനാള്‍ തൊട്ട്‌ അടുത്തറിയാവുന്നവര്‍. എന്റെ തൊട്ടയല്‍വക്കത്താണ്‌ ജേയ്‌മിയുടെ വീട്‌.ഒരു വിളിപ്പാട്‌ അകലെ.ചാക്കോച്ചേട്ടനും, കുഞ്ഞുപെണ്ണ്‌ ചേടത്തിയും മരിച്ചപ്പോഴും മറ്റ്‌ഒരുപാട്‌ പ്രാവശ്യവും പോയിട്ടുള്ള വീട്‌. എന്നിട്ടാണ്‌ ജേയ്‌മിയുടെ മോന്‍ എന്റെ വീട്ടു മുറ്റത്ത്‌ വന്ന്‌ എന്റെ വീട്‌ ചോദിച്ചത്‌. എനിക്കവനോട്‌ കലശലായ ദേഷ്യം തോന്നി. സംയമനം വീണ്ടെടുത്ത്‌ ആളു കൊള്ളമല്ലോ എന്ന വാക്കില്‍ ഒതുക്കി സംസാരം. ഹെല്‍മെറ്റും കൂളിംഗ്‌ ഗ്ലാസും വെച്ചതു കൊണ്ടാണ്‌ ഒറ്റ നോട്ടത്തില്‍ à´† പയ്യനെ തിരിച്ചറിയാതെ പോയതെന്ന കുറ്റ ബോധം ഇല്ലാതെയുമില്ല. പട്ടണങ്ങളിലും വന്‍ നഗരങ്ങളിലുമൊക്കെ ഒരേ ഫ്‌ളാറ്റിലും അയല്‍പക്കങ്ങളിലും അപരിചിതരെ പോലെ കഴിയുന്നവരുണ്ട്‌. ഞാന്‍ താമസിക്കുന്നത്‌ സാദാ നാട്ടും പുറത്താണ്‌. ചുറ്റുമുള്ളവര്‍ എല്ലാവരും തന്നെ പരസ്‌പരം അറിയുന്നവര്‍. എല്ലാം മാറി മറിയുകയാണ്‌. വീടിന്റെ ചുറ്റുവട്ടത്തുള്ളവര്‍ പോലും പരസ്‌പരം അറിയാത്തവരായിക്കൊണ്ടിരിക്കുന്നു. ജേമിയുടെ മകനാണെന്ന്‌ ആദ്യമേ പറയാനുള്ള ഔചിത്യം à´† പയ്യനുണ്ടായിരുന്നു എങ്കില്‍ കണ്ടമാത്രയില്‍ തന്നെ à´† പയ്യനെ തിരിച്ചറിഞ്ഞേനെ!. തലമുറ മാറ്റത്തെപറ്റി വാതോരാതെ വര്‍ത്തമാനം പറയുന്നവര്‍ ബന്ധങ്ങളുടേയും സൗഹ്യദങ്ങളുടേയും ഇഴയടുപ്പം കുറഞ്ഞു കുറഞ്ഞു വരുന്നതിനെ പറ്റി അറിയാതെ പോകരുത്‌. തൊട്ടയല്‍പക്കത്ത്‌ താമസിക്കുന്നവര്‍ അപരിചിതരെ പോലെ കഴിയുന്നത്‌ തീര്‍ത്തും അസുഖകരം തന്നെ!. സ്വന്തം വീട്ടിലുള്ളവരൊഴികെ ആരുമായും ഇടപെടാനും സൗഹൃദം പങ്കുവയ്‌ക്കാനുമുള്ള മനസ്സില്ലാതെ പോകുന്നതും ഒട്ടും നന്നല്ല. സ്വന്തം കാര്യം മാത്രം നോക്കുന്ന തിരക്കിനിടയില്‍ സൗഹൃദങ്ങള്‍ക്കും ബന്ധങ്ങള്‍ക്കും ഒക്കെ ആര്‍ക്കും നേരമില്ലാതായിരിക്കുന്നു. നമ്മളൊക്കെ ഒത്തിരി മാറേണ്ടിയിരിക്കുന്നു. സൗഹൃദങ്ങളും ഇഴയടുപ്പങ്ങളും ഒക്കെ അറ്റു പോകാതിരിക്കാനുള്ള മുന്‍കരുതല്‍ വീടുകളില്‍ നിന്നു തന്നെ തുടങ്ങണം. യാതൊരു സാമൂഹിക പ്രതിബദ്ധതയുമില്ലാത്ത സ്വാര്‍ത്ഥ സമൂഹത്തെ പടുത്തുയര്‍ത്തിയിട്ട്‌ എന്ത്‌ പ്രയോജനം?.